Náði ekki lágmarkinu í dag..

King fock eins og Óli Guðmunds sagði á vegginn minn í dag.. Ég hljóp á tímanum 61.44.. sem er sek hægar en ég ætlaði að hlaupa... Það er ekki margt sem ég get sagt að ég hafði gert betur.. en aðstæður voru ekki góðar.. það var rok og enginn keppni fyrir mig.. getið lesið þessa frétt:

http://www.sunnlenska.is/ithrottir/6992.html

það er svo 100m gr. á morgun kl 13.20 á sænskum tíma eða 11.20 á ísl tíma..

 Þetta verður stutt núna, Ég verð að hætta  núna.. !

Verð ekki lengur í netsambandi!

Strákanir eru að fara koma til Helsingborg í dag. Þeir Halli, Dagur, Gummi og Barði. Þeir eru svo yndislegir að taka fyrir dýnu og svefnpoka þannig ég get gist á sama stað og þeir. Í skólanumm hliðin á vellinum. Sú gisting kostar 1100kr nóttin meðan hótelið sem ég er á kostar 12.000kr e-ð álíka nóttin! þó ég fái ekki netsamband, sér baðherbergi og morgunmat þá er þessi gisting svo margfalt ódýrari auk þess þarf ég ekki að vera í strætó veseni og get verið með strákunum! 

Ég þarf að fara ef hótelinu eftir 1 og 1/2 klst og þá verð ég bara að taka allt draslið mitt og bíða eftir strákunum í einhverja klukkutíma.. Ég fer nú ekki langt með allt þetta drasl ætli ég setjist ekki bara niður í almenningsgarð sem er hérna frekar nálægt og les bók... kosy time.. :P

Ég keppi á morgun kl 17 á sænskum tíma eða kl 15 á íslenskum tíma í 400m grind.. á Laugardaginn keppi ég svo í 100m grind kl 13.20 eað 11.20 á ísl tíma.. Ég kem svo heim miðnætti á sunnudaginn. Það er ekki þráðlaust net í skólanum sem ég gisti þannig ég er ekki viss um að ég komist í netsamband. En ég mun senda sms á einhverja ma. sunnlenska.is og hægt að sjá frétt um hvernig mér gekk þar. Einnig mun ég biðja einhvern um að pósta því á Fésbókina mína og svona.

og að lokum nokkrar myndir frá því í gær..

 

Kvöldmaturinn í gær.. Ég var að lesa bloggið hjá Eyrúnu og Elínu sem eru í heimsreisu og voru að blogga um Ítalíu.. ég bara varð að fá e-ð ítalst!

og kúluís..

Ég fann fyrir smá kulda á vörunum meðan ég borðaði ísinn.. ekki mikið meira en það.. allt of heitt!

Garðurinn sem ég mun dvelja í einhverja klukkustundir á meðan ég bíð eftir strákunum.. veit í raun ekki neitt hvenær þeir koma.. ég veit að fluginu seinkaði.. en ekki viss hve lengi eða neitt.. haha.. þetta reddast.. :) 

Lífið í Helsingborg og fullt af myndum..

Ferðin frá Vaasa í Finnlandi og alla leið á hótelið hérna í Helsingborg gekk alveg ótrúlega vel. Ég held að ég sé komin með einhverja gráðu í að ferðast svona mikið.. hehe.. 

Í Riga var toppurinn að sitja í steikjandi hita og hlusta á yndislegan saxafónleikara spila ljúfa tóna. Það er mikið um tónlistamenn á hverju horni.

Ég náði svo fyrstu lest til Helsingborg ákvað að rölta á hótelið þar sem ég var búin að kíkja á googlemaps að það væri frekar stutt hjá. Þegar ég var svo að spyrja til vegar þá fékk ég "hvaða hótel er þetta eiginlega? aldrei heyrt um það" og ég var var svona aðeins að velta fyrir mér hvort þetta hafi verið e-ð svindl e-ð.. eða væri á einhverju frekar lélegu hóteli.. En allt kom fyrir ekki og ég fann þetta hótel. Það er pínu sveitó, þ.e.a.s allt frekar gamalt hérna en þetta er fínasta hótel.

Í gær eftir ég var búin að sofa út kíkti ég niður í bæ. Þar sem ég á engan pening til að versla þá millifærði systir mín pening inn á mig og ég fór að versla í H&M fyrir hana.. Ég hringdi e-ð í hana til að spyrja hana að einhverju og kláraði inneignina. En listinn sem ég átti að kaupa kostaði mun meira en peningurinn sem hún hafði lagt inn á mig. Ég fékk því að taka þetta allt saman frá og þær voru búnar að stimpla þenna inn og á meðan fór ég aftur á hótelið til að tala við Jóhönnu. Þá ákváðum við að ég mundi taka aðeins minna og hún lagði meiri pening inn. Þegar ég kom aftur þá ætlaði ég að taka af þessu og þá var e-ð vesen því það var búið að stimpla allt inn og þurfti að fara í gegnum þetta allt aftur. Svo bað ég um Taxfree og þá bað ég e-ð um það aðeins of seint og e-ð vesen að ná í það.. Á tímabili voru 4 konur að afgreiða mig.. Ég meikaði ekki að vera meira niður í bæ eftir þetta ævintýri.. Það var líka svo heitt..! ég sá á einum mæli 33°C!! stelpan í móttökunni hélt samt að það væri ekki svona heitt, en það var allavega mun hlýrra úti en inni. Ég reyndi að vera sem mest í skugga ef ég var úti.

Það vesta við þetta er að það er enginn loftkæling inn í herberginu! það er allt of heitt hérna til að sofa t.d! ég svitna bara þó ég sitji í legging og hlýrabol!

Næsta ævintýri var svo að komast á völlinn. Hann er eiginlega fyrir utan borgina.. eða í úthverfi því hann er t.d ekki inn á bæjarkortinu sem ég er með. Konan í móttökunni sagði mér hvaðan og hvaða strætó ég ætti að taka. Þegar ég kem í strætóinn þá get ég ekki borgað í strætónum, hvorki með pening né korti. Það er hægt að kaupa í gegnum símann en það er bara fyrir þá sem eru með sænkt númer. Ég gæti líka keypt miða í miðbænum (sem er ca 15-20 mín labb í burtu) en þá gildir miðinn bara í 1 klst eftir ég kaupi hann.. Ég get s.s ekki keypt nokkra miða e-ð. Þetta kerfi er s.s ekki gert fyrir túrista! þessi rútubilstjóri var samt rosa vingjarnlegur og vorkenndi mér e-ð og sagði að ég gæti fengið að fara með núna frítt.. síðan töluðum við um hvað þetta kerfi væri asnalegt! hann benti mér á annan strætó sem ég gæti tekið og í honum gæti ég borgað með korti. Það er gulustrætóarnir.. ég var í bláum. Ég þarf reyndar að labba smá spotta en það sleppur.. og ferðin kostar 343..

Nóg komið af skriftum.. nú koma hellingur af myndum! 

Ég er búin að taka eftir ákveðnri þróun á bitunum sem ég fæ.. fyrst klæjar mig.. svo verð ég bólginn..og þegar það er farið að lagast verður þetta svona svaka rautt í kring og klæjar sjúklega mikið! ég er með eitt á enninu, það er ennþá bara bólgið.. vona að það verði ekki svona rautt!

Þetta er tekið í Finnlandi, ég var á leiðinni inn í íbúð þegar ég sé e-ð loðið dýrt stökkva upp úr ruslatunnunni og á tréið.. ég gólaði mér brá svo mikið.. svo þegar ég kíkti var þetta þessi stjarfi íkorni.. alveg að deyja úr hræðslu greyið!

Svo koma ég til Riga, keypti strætómiða og sit hér fyrir utan völlinn, með miðann, kort af miðbænum og ég á að taka strætó 22 og fara í/úr þar sem hringirnir eru! 

Einn af tónlistamönnunum.. er ekki alveg viss á hvað hann er að spila.. Síder?

Á torginu í gamla bænum..

annað sjónarhorn

..

Fór í túrista-bus.. svaka flott! 

Svo var hægt að taka U-beygju á stórri götu.. fannst þetta e-ð spes... hehe

Bara á þessari mynd sést í 4 kirkjur. Rosa mikið af kirkjum í gamla bænum. Það var oft bara reist kirkjur fyrir einhvern ákveðinn hóp sem var þarna, eins og þýskumennina e-ð álíka.  

hluti af einni brú sem er yfir ánna

 

garðurinn sem ég talaði um að væri svo æðislegur í bænum..

Á kaffihúsi að borða, blogga og tala við fólk á msn :)

Saxafón leikarinn

Útsýnið þegar ég kom út úr lestarstöðinni í Helsingborg 

Baðherbergið.. lítið og krúttlegt.. ekkert sturtuhengi þannig allt verður rennandi blautt þegar ég fer í sturtu! 

fatahengi.. 

Herbergi nr. 2.. fyrst var ég í herbergi með 3 rúm.. en var svo flutt í gær með 1 rúm.. 

Ég er mjög fegin að þessi litli ísskápur er í herberginu til að eiga e-ð kalt hérna inni í þessum hita! 

Fyrir utan Hótelið í Helsinbog í gær..

Keypti mér að éta og settist í næsta garð.. sem var kirkjugarður.. þessi súkkulaðimjólk var ógeðsleg!

útsýnið meðan ég borðaði.  

Skemmtileg stitta og einhver kastali e-ð sem ég fór upp í í gær.. einnig var verið að taka mynd fyrir einhverja auglýsingu eins og sést á myndafólkinu þarna fyrir aftan..

 

Settist niður á kaffihúsi með H&M pokann..og fékk mér þessar Karrý-kjúklingasamloku.. vá hvað hún var góð!! shitt.. ætla að fara þangað aftur í dag og fá mér svona..  Klakarnir í glösunum hjá mér voru búnir að bráðna áður en ég settist niður!

 

Völlurinn.. eins og sést mjög opið svæði..

Kirkjan sem er rétt hjá mér.. tek strætóinn hjá henni.. gott að hafa svona stórt kennileyti!

 

Fólk talar um morgun æfingu.. eða kvöldæfingu.. hvað með næturæfingu? á þessi stöð er opinn allan sólahringinn!

Fæturinir upp í loft.. heitt og þreytt í fótunum.. hér er ég að bíða eftir kvöldmatnum mínum..

Kvöldmaturinn, katröflustappa, kjöt, bersessósa, grænmeti, sveppir, laukur.. ég ætlaði reyna að fá mér e-ð létt.. en það var ekkert í boði!

Eini staðurinn sem ég fann í nágreninu sem seldi ekki bara hamborgara var þessi bar..

 

 

Ekkert annað að gera enn að blogga :)

Hér sit ég á Duble Coffe kaffihúsi í Riga í Lettlandi. Búin að fá mér að borða ágætismat. Einnig er ég aðeins búin að rölta um gamla bæinn og taka túristarúnt með rútu. Ég ætlaði svo að lesa bók í garðinum hérna.. hann er æði! (koma myndir frá þessu á morgun) en ég er svo þreytt að ég er hrædd um að ég mundi sofna og kannski yrði þá taskan tekin ef mér og/eða ég mundi sofa af mér flugið.. hehe.. best að hafa varan á.. Flugið mitt fer eftir 4,5 klst.. 

Flugvöllurinn í Finnlandi, í Vaasa er svo lítill að stór handfarangurstaska passar ekki í farangurshólfin og því þurfti ég að senda hana með venjulegum farangri. Vona svo bara að ég sjái hana aftur í Köpen. Þetta gerðist frekar hratt og ég fattaði ekki að láta vökva/krem ofan í þá tösku. og var Hitakrem, sólavörn, vatn, flugna-sprey-fælan allt tekið af mér og ég þurfti að borga 30 evrur fyrir að vera með farangur..

Ég náði ekki alveg að setja inn þær myndir sem ég ætlaði í gærkvöldi því það koma kona til mín og sagði "við erum að loka" þegar ég var að skrifa bloggið.. og ég sagði "okey, ég verð farin eftir 10 mín" og hún svaraði "nei, ég er að loka núna" svo labbaði hún í burtu og smá seinna voru ljósin slökkt! ég reyndi að henda einhverju inn og svo var ég að reyna að taka saman í myrkrinu.. sá ekki neitt og því lengur en venjulega.. þegar ég ætlaði út þá var hurðin lokuð.. ég reyndi að opna hana en það var ekki hægt.. ég fór í áttina þangað sem konan fór og kallaði "hello?!" aftur og aftur.. ég fékk enginn svör.. ég fór inn í eldhús og kallaði.. ég fékk enginn svör! ég var að fara í panic að ég hefði verið læst inn í rangri byggingu og kæmist ekki í íbúðina mína og ég væri að fara í nótt..  

Eftir pínu stund kom svo konan aftur og ég sagði skelkuð "ég hélt þú værir búin að læra mig inni, ég kemst hvergi úti!" og konan glotti bara og svaði "við mundum aldrei skilja þig eftir" haha..

en hér eru myndirnar sem komu ekki í gær...

Hljómur, Geisli og Náttfari.. þeir sakna mín örugglega meðan ég er hérna úti..

Sveitin..:P

Svo ætlaði ég nú að hafa þessa fínu mynd af gæsinni..  

 

Lettland, Danmörk og Svíþjóð á morgun!

þetta fer nú bara að minna á interail hjá mér.. haha.. Ég fer s.s frá hótelinu kl 5.45.. ég á flug frá Vaasa kl 8 til Lettlands og verð það í einhverja tíma og flýg svo til köben og tek lest þaðan til Svíþjóðar eða í Helsingborg þar sem ég keppni næst. Afhverju að fara til svona margralanda og vesen? jú því það er ódýrasta leiðin!

Ég er bókaði loksins hótel í svíþjóð áðan. Ég er búin að vera á haus að leita af hóteli eða hosteli í Helsingborg og endaði að ódýrasta gisting er tæpar 80 þús krónur!!

en núna var hótel konan að segja að ég verð að hætta þannig ég læt vita af mér annað kvöld.. hér koma myndir frá maí!

 SSólarlagið heima í sveitinni!

Gæsaði eina skvísu

Afmæli hjá Mæju siss

Ég, Mæja og Jóhanna.. systurnar

Bestu kökur sem ég hef smakkað!

 

Ég veit ég get betur en samt svona góður tími!

Ég vaknaði fyrst kl 4 í nótt við það hvað mig klæjaði sjúklega mikið í ökklan.. enda með 2 bit þar.. ég bar e-ð gel sem ég keypti í gær á það og hélt fyrst ég mundi ekki sofna aftur en það hafðist J

Síðan var morgunmaturinn góði.. hafagrautur og allt tilheyrandi.. ég er svooo ótrúlega ánægð að fá hafragraut og kanil líka! Ég er búin að hafa aðeins meiri tíma fyrir sjálfan mig síðan frá kvöldmat í gær. En þá komu herbergisfélagarnir hennar Anastasiya sem eru rússar. Hún talar nú ekki góða ensku en þau tala bara enga ensku! Ég reyndi að spjalla við þau og spyrja í hverju þau væru að keppa en þau skildu ekki neitt, þannig ég hlustaði bara á rússnesku þennan kvöldverð. 

Síðan þá hefur hún verið upptekin með þeim. Ég lifi það alveg af. Til dæmis í morgunverðinum þá koma finnskar stelpur sem settust hjá mér þegar Anastasiya og vinkona hennar fóru. Að allt öðru þá er Anastasiya búin að kvarta undan veðrinu allan tímann og vera viss um að það verði rigning og hún vill ekki hlaupa nema það sé sól og hlýtt.. en ég er alltaf búin að vera svo ángæð með veðrið. Svo í dag þegar ég var að keppa þá var hlýtt og þurrt en þegar hún keppti  sirka klst. á eftir mér var þvílík rigning og kalt!

Mér tókst svo að misreikna mig heldur betur í dag. Þegar ég var eiginlega búin með upphitunina mína kíkti ég á klukkuna til að ath. Hvort ég væri ekki örugglega á áætlun. Ég horfði um stund á klukkuna til að reyna átta mig á þessu, ég var á klst á undan áætlun! Haha.. Það kom þó ekki að sök, ég fór bara inn í herbergi og las aðeins í klst og tók svo aftur snögga upphitun.

Annar skemmtilegur misskilningur var hjá mér í gær þegar ég var að senda fyrirspurn á mótshaldarann hvort ég gæti fengið nudd eftir keppni. Ég sendi skilaboðin auðvitað á ensku en klúðraði einum staf ég spurði “Can I have a message ….” En ekki massage.. haha.. hann skildi auðvitað ekkert hvað ég var að biðja um!

Þá að keppninni sjálfri. Ég hef aldrei keppt fyrir framan svona marga áhorfendur, þeir voru rúmlega 4300 talsins! Mikil stemming á vellinum og mér leist rosa vel á þetta allt saman. Það var skýað, hlýtt og eiginlega logn. Þegar við áttum að stilla blokkirnar á vellinum þá hélt ég að ég væri á 1. Braut. Síðan var ég búin að gera mig klára á henni þá var blokkin tekin í burtu! Þá var ég víst á 2. Braut.. haha.. en það kom ekki að sök, ég stillti hana bara og testaði aðeins.

 

Svo hljóp ég eins og vindurinn á tímanum 60,78..Hlaupið sjálft var ekkert rosa frábært. Ég hélt ég hefði verið á kannski 61 eitthvað. Þar sem mér fannst ég eiga pínu eftir og hitti ekki alveg nógu vel á grindurnar. Lágmarkið á EM U23 er 60.50.. ég þarf að hlaupa 0,28 úr sekúntu hraðar!! Það er sjúklega lítið. Ég hefði náð því ef ég hefði hitt betur á 1 eða 2 grindur, eða hlaupið bara aðeins hraðar og þá er þetta komið! Það mun gerast í Svíþjóð á Eyrarsundsleikunum.

 

Þetta er engu að síður 1 og ½ sek í bætingu þar sem ég átti 62.25. Einnig er þetta nýtt HSK-met í ungkvenna og kvennaflokki. Þuríður átti gamla metið og var það orðið 17 ára gamalt!

 

Það sem var líka svolítið skemmtilegt við úrslitin að ég átti lang versta tímann en munaði litlu að ég hefði náð 2. Sæti. Þar sem það var ein sem var svolítið á undan og síðan vorum við 3 allar mjög svipaðar í mikilli keppni í restina.  

 

og svo koma nokkrar myndir:

Hér sjást 3 flugnabit.. tvö á bakvið eyrað og eitt á kinninni.. ógeðsleg mosquito fluga var þarna.. brá ekkert smá þegar ég sá hana og kramdi hana á mér.. ojj.. :S

Tveir nýjir orkudrykkir sem ég var að prófa.. þessi litli var ógeðslegur á bragðið.. svona eins og kók e-ð.. bjakk! en hinn er bara eins og burn e-ð.. 

Hér hitaði ég mig upp og skokkaði niður..

Eitt af bitunum sem ég er með.. þetta er lang verst og mér er illt í ökklanum... eins og sést er hann líka vel bólginn, samt svaf ég alveg með kodda undir fótunum síðustu nótt..

Þetta er flott mót og mikið undir það lagt. Það voru myndavélar allstaðar og margir áhorfendur. Þetta var líka sýnt í TV og það var boðið að horfa á það eftir keppni en þegar ég kom var ný búið að sýna hlaupið mitt þannig ég missti af því :/

Ekki leiðinlegt að keppa á svona móti. Ég var í bakþanka í gær að ég ætti ekki heima á svona stóru móti, allir væri svo góðir og blablabla.. en nei.. ég leiðréttti mig og hugsaði "vá ég er svona góð að ég tilheyri þessum hópi!"

 

 

Orkudrykkur sem við fengum á vellinum. Með lemon bragði var góður en ekki Green apple.. ojj..

Þetta fólk er að borða pylsu eins og flesti aðrir áhorfendur voru að borða. En bara pylsu ekkert brauð eða sósa eða neitt með.. og þetta er ekkert mjó pylsa eins og þið sjáið.. svona sirka jafn breytt og 2 puttar e-ð..  

 

Lífið í Kuortane

eða Gúortaane eins og þeir segja það.. ég held reyndar að ég sé ekki ennþá búin að ná að segja þetta rétt...

Ég komst  alla leið á áfangastað. Ég mundi ekki segja að það hafi verið eitthvað súper auðvelt þar sem ég hef aldrei verið að taka svona mörg tengiflug.. allavega ekki ein.. Byrjaði á því að ég bað stelpu á Keflavíkur flugvellinum að hjálpa mér við bóka mig inn því ég hef aldrei gert það. Hún svaraði játandi og fór svo að henda einhverju og labbaði svo bara í burtu.. En þessi kassi var nú ekki flókinn og ég komst í gegnum það. Ég gat reyndar ekki bókað mig í 3ja og síðasta flugið, bara fyrstu 2.. Flugið í Cöpen gékk vel.. smá hopp í lokin og konan sem sat í sömu röð og ég var farin að góla pínu og halda í manninn sinn og horfa á hann eins og við værum öll að fara að deyja! Það gerðist nú ekki.

 

Þegar ég kem út úr vélinni sé ég “transfer Reykjavík” og ég fer þangað og segi að ég sé að fara í tengiflug frá Reykjavík.. og hann var einhver fúlí skúli og sagði mér fyrst bara að setjast niður ég væri með flugmiða (en mig vantaði að fá miða frá Helsinki til Vaasa) það var ekkert hægt að tala við hann og mér fannst hann ekki kunna nógu góða ensku og endaði með því að hann sagði ég ætti að finna út úr þessu sjálf hann gæti ekki hjálpað mér. Ég labbaði þá að hliðinu sem ég hélt að væri mitt hlið en  þar var enginn.. En á endanum fann ég staðinn til að fá flugmiða fyrir tengiflug. Ég náði að fá mér einn frabocino á starbucks án kaffi með súkkulaðibragði! Nammi namm..

Þegar við lentum í Helsinki þá var mikil flugumferð og við komumst ekki strax að og ég var ennþá inn í flugvélinni þegar það átti að vera byrjað að tékka inn í flugvélina sem ég átti að fara í. Ég þurfti svo að labba spotta til að fara að mínu hliði en viti menn þar var líka seinkunn þannig þetta blessaðist allt saman.

Á Vaasaflugvellinum tók á móti mér yndælisstúlka sem er 21 árs og við spjölluðum heilmikið saman. Ég t.d vissi að Finnland væri mikið fyrir Saunu en vissi ekki að þetta væri e-ð sem flestir ættu heima hjá sér.. haha.. Það var einnig önnur stelpa sem kom á sama tíma og ég.hún hafði misst af sínu flugi og heppni að hún væri á sama tíma. Hún talaði ekki mikið í fyrstu því hún er ekki rosa góð í ensku og er bara 18 ára. En við erum búin að vera meira og minna saman síðan við komum. Þannig mér leiðist ekki og er ekki ein að reyna að finna út úr öllu. Ég held reyndar að hún þurfi meira á mér að halda en ég henni. Þar sem hún þorir ekki að spyrja neinn og er með heimþrá svo e-ð sé nefnd. Ég er rosa ánægð að hafa hana líka til að hafa einhvern til að tala við og skoða svæðið með mér. Þetta er mjög lítill staður sem er bara fínt. Það er allt í alls.

Það var mikil rigning þegar við komum og smá í morgun er er búið að vera létta til. Þegar sólin skýn er alveg steik finnst mér en Anastasiya (stelpan sem ég er með) finnst vera kalt, hún er frá Úkræinu og aðeins hlýrra þar en er búið að vera á Íslandi. En í Úkraínu búa 47 milljónir og þar eru bara 2 íþróttavellir!! Þ.e.a.s svona með 400m hringjum! Þau æfa alltaf í skóginum.. ótrúlegt! Hún sagði að það hleypur enginn nema að hann sé íþróttamaður, íþróttir eru ekki mjög cool í Úkraínu.

Sem sagt ég er bara mjög ánægð hérna, hlakka rosa til að keppa á morgun. Þetta er rosalega sterk keppni og ég á lakasta tímann þannig ég er bara spennt yfir að fara að bæta mig á morgun! Eftir keppni er grill fyrir alla keppendurna og einnig boðið upp á að fara í Sauna og synda í vatninu hérna sem er hliðiná hótelinu!

p.s Ég er reyndar komin með allavega 3 flugnabit! 2 á hálsin, bak við eyrað og eitt á ökklanum! ég tók ekki eftir þessi á ökklanum en þegar ég kom inn í gær og leit í spegil var einhver ógeðsleg fluga þarna bakvið eyrað/á hálsinum! jakk! 

Hér koma nokkrar myndir:

Frabocino drykkurinn minn.. ekkert smá gott að fá svona kaldann og góðan drykk í svitakasti áflugvellinum í köpen! 

 

 Anastasiya  í tölvunni minni þar sem það er enginn tölva hér og netið í símanum hjá henni er lélgt.. Rosa góður 800m hlaupari.. hún á besta tímann af þeim hérna eða 2:00,37! og bara 18 ára!

  Hér er Andreas Thorkildsen að fá sér morgunmat í morgun.. hann ákvað að sitja ekki hliðin á okkur eins og í gærkvöldi.. En þá settist hann með þjálfurum á næsta borð.. og fjölmiðlar og krakkar að koma að taka myndir af honum og við flissandi yfir þessu öllu saman :)

Ég og íþróttavöllurinn, við fórum að skoða hann í gær..

Stelpan sem sótti mig og Anastasiyu.. hélt á þessu flotta skilti! :)

Hluti af herberginu mínu.. fínasta herbergi.. nóg pláss.. eldavél og ískápur líka.. reyndar óþarflega mikið af maurum á gólfinu.. en þeir eru mest inn á baði.

Upphitunarsvæðið.. við erum eiginlega inn í skógi hérna og upphitunarsvæðið er bara að hlaupa á stígum inn í skóginum.. það er bara kósý :P

Ég í morgunmatnum. Fékk eplið mitt, hafragraut og líka Kanil!! þokkalega sátt!

klósett glugginn inn á baði.. pínu spes.. en samt eiginlega bara cool að hafa hann á hlið..:P

Hótelið er alveg við stórt vatn.. eða mér finnst það stórt en það er víst ekki stórt miðað við Finnland.. Á morgun eftir keppni er í boði að fara að synda í þessu vatni! það lýtur nú ekki út fyrir að vera neitt sérstaklega hreint eða hlýtt.. en ætli ég verð ekki að hoppa aðeins út í til að ná allavega mynd af mér í vatninu!

Jæja og þá er það útlönd!

 Um síðustu helgi þegar ég keppni með A-landsliðinu í Evrópubikarkeppni gekk mér rosa vel! Takk allir sem sendu mér kveðjur.. hvort sem það var að hringja í mig, senda sms, facebook, e-mail, knús eða hvað eina.. Það er svo æðislegt að fá ykkar stuðning..

Ég er rosa fegin að mitt fyrsta svona stóra mót var á Íslandi. Því ekki nóg með að maður sé mjög stressaður að fara að keppa við einhverja útlendinga þá er fullt af reglum sem maður er ekki vanur. Maður þarf að hita upp á sérstökuuphitunarsvæði, sem er okey nema það eru svo margir að maður er einhvern veginn fyrir allstaðar. Maður þarf að mæta ákveðið löngu fyrir keppni í "callroom" þar er maður skoðaður bak og fyrir. Maður varð að vera með númer framan á toppnum og aftann á, aftann áupphitunargalla og á bakpokanum. Öll þessi númer urðu að vera fest með minnst 4 nælum og ekki mátti bretta neitt á auglýsingarnar á númerunum. Ekki mátti vera nein önnum auglýsing, t.d gaddaskótaskan e-ð mátti ekki sýna neitt merki og annaðhvort teipað yfir eða snúið við. Skoða þurfti gadda skónna sem maður keppti í hvort þeir lúti ekki öllum reglum. Ég get svo svarið það ef ég hefði verið í Ísrael e-ð þar sem e-ð fólk væri að rífa mig úr fötunum til að ath. hvort ekki allt verið í lagi hefði ég örugglega gubbað á það af stressi þar sem ég var alveg við það hér heima! Ekki gat ég hlusta á ákveðin lög í ipodinum til að róa mig niður þar sem ég mátti ekki vera með ipod, hann var tekin af mér og ég þurfti að sækja hann seinna, eftir keppni. Það sama gildir um myndavélar og síma. Þannig ég var ekkert með síma alla helgina.

 Í fyrramálið á ég flug kl 7.45 til köpen.. flýg þaðan til Helskini og þaðan til Vaasa (í Finnlandi) og þar verður tekið á móti mér með skilti og flygt upp á hótel. Ég keppi þar svo á laugardaginn í 400m grind. Ég á flug þaðan á mánudagsmorgun. Ódýrasta flugið til Köpen var að millilenda í Lettlandi og verð ég þar í 9 klst! í köpen tek ég svo lest yfir til Svíþjóðar til Helsinkborg og keppi 1. júlí á Öresundsspelen. Markmiðið er að ná lágmarki fyrir EM U23.. sem er 60.50.. og ég ætti svo sannarlega að ná því ef ég fæ gott hlaup miða við tímana sem ég var að hlaupa 400m á um helgina! Ég er búin að vera reyna að fara í fyrirtæki inn á milli til að safna styrkjum.. ekki búin að hafa nægan tíma en almennt er mér tekið mjög vel og fólk meðvitað um hvað ég hef verið að gera í frjálsum.. Ég hef verið að safna styrkjum frá 5000 upp í 20.000 og er komin upp í 105þús alls!  sem er sirka fyrir 1/2 af kostnaðinum. Frábært.. ég vil nýta mér tækifærið og þakka þessum fyrirtækjum sem eru öll á Selfossi:

MS, Sjóvá, Sparisjóðurinn Suðurlandi, Lögmenn Suðurlands, Arion banki, Landsbankinn, Sunnlenska.is, Bílasala Selfoss, SS, Efnalaug Suðurlands, Baldvin og Þorvaldur, Pylsuvagninn og Set.

Hér koma nokkrar myndir sem ég hef séð sem teknar voru af mér um helgina:  

Ég er alltaf með svo fallega svipi þegar ég er að keppa! Hér er ég að hlaupa 400m og stórbætti mig og hlóp á 57,52.. lang fyrst í mínum riðli og endaði í 3. sæti.  

 

 Hér er ég að hlaupa 100m grind. Hjóp á 14,93.. aftur lang fyrst í mínum riðli.. endaði í 4. sæti. 

Önnur mynd frá 400m hlaupinu

 Björg, Stefanía, Ég og Hafdís.. boðhlaupsveitin í 4x400.. stelpurnar stóðu sig þvílíkt vel.. við enduðum í 2. sæti eftir rosalega keppni! 

Önnur mynd.. 

 Stemmingin var samt meira svona.. þegar við vorum ekki uppstilltar.. þar sem myndin var tekin strax og ég kom í mark.. og ég kláraði alla orku sem fannst í líkamanum! 

 

Jæja nú þarf ég ykkar stuðning!

 Evrópubikar landsliða fer fram núna um helgina í Reykjavík á Laugardalsvellinum. Keppnin hefst báða dag kl 10 og kostar 1500kr inn en 2000kr báða daga.. Það eru margir góðir að keppa og gaman að fylgjast með. Ég er að keppa kl 13.35 í 400m á laugardeginum hörku keppni í þeim riðli, ég næ vonandi að bæta mig.. síðan keppi ég aftur á sunnudeginum kl 12.20 í 100m grind.. en stelpurnar sem ég keppi við í þessum riðli eiga ekki góða tíma og ætti ég því að vera líklegust til sigurs í þessum riðli(ef tímarnir eru rétt skráðir). Það er svo annar riðill og þar eru stelpur sem eiga svipaðan og aðeins betri tíma en ég.. Síðast er svo 4x400m boðhlaup sem er kl. 15.05

Það er búið að vera kreysí að gera hjá mér.. ég get ekki einu sinni hugsað á kvöldin hvað ég geri næsta dag því ég er svo örmagna eftir daginn.. Ég er svo búin að vera að reyna endalaust að finna mót til að keppa í 400m grind.. og það er sko ekki auðvelt. Vésteinn Hafsteinsson er búinn að vera mega duglegur að hjálpa mér.. þetta er líka búið að vera svo mikið vesen því upprunalega átti ég að vera í Finnlandi að keppa í þraut og ég ætlaði að nýta sömuferð í að keppa í 400m grind.. og svo breyttist það og svo var svo dýrt að breyta fluginu og vorum viss um að það væri ódýrara að panta upp á nýtt en þá var það bara miklu dýrara.. og þyrfti að taka mörg flug.. alein.. kostar mikið og allt þetta var aðeins of mikið.. ég of stressuð í þetta allt saman..

Til að stytta söguna aðeins þá var ég að bóka flug út og heim aftur.. Ég keppi í Finnlandi 25. júní á Kuortaneen leikum í Finnlandi.. ég þarf að taka 3 flug til að komast þangað.. síðan keppi ég 1. júlí í Svíþjóð á Öresundspelen og flýg heim frá Köpen 3. júlí.. Þessi flug kostuðu samtal 106 þúsund!! ég er ekki búin að bóka flug frá Finnlandi og til svíþjóðar því ég á einfaldlega ekki meiri pening! Þannig ég ætla að fara að sækja um styrki svo ef þið vitið um einhvern styrk sem ég get sótt um eða fyrirtæki eru að styrkja einhverja megið þið endilega láta mig vita!

Ég er líka mjög stressuð fyrir þessu, eins og ég sagði fyrr en ég vil bara heyra e-ð jákvætt.. ég er viðkvæm fyrir neikvæðni.. Þetta verður bara gaman, ævintýri og rosa góð reynsla sama hvernig þetta fer allt saman! þannig eins og ég segi endilega koma með e-ð jákvætt!

Það eru líka margir búnir að knúsa mig í dag og óska mér góðs gengis um helgina.. það er alveg búið að bjarga stemmingunni því ég er búin að vera hugsa og stressa mig svo mikið með ferðina sem ég er að fara í eftir viku! en ég hlakka mikið til að keppa á morgun!

vona að sjá sem flesta á vellinum á morgun!  

Fer ekki til Finnlands en keppi með A-landsliðinu hér heima..

Lífið gengur sinn vanagang hérna í sveitinni.. alltaf brjálað að gera og maður reynir að koma svefn einhverstaðar inn á milli. Eins og ég var búin að blogga um áður var búið að skrá mig á Norðurlandamót í þraut í Finnlandi 18. og 19. júní. Það er unglingalandsliðs-mót eða fyrir krakka 22 ára og yngri. Já, ég er ennþá unglingur á síðasta ári. Ég hef reyndar ekki lagt áhersluna á þrautina í vetur heldur grindarhlaup. Ég get samt vel keppt í þraut og öllum líkindum bætt minn árangur og væri gaman að fara til Finnlands. Það vill hinsvegar vera þannig að Evrópubikar landsliða er sömu helgi. Það mót er stærsta verkefni A-landsliðsins. Ég hefði viljað geta keppt á báðum mótunum en það er ekki hægt. Að þessu sinni er Evrópubikar haldin hérna á Íslandi, í fyrsta skiptið.

Síðasta mót til að ná sæti í evrópubikar var núna 8. júní. Ég var ekki að stefna á að ná sæti þar heldur bara taka mót til að æfa mig fyrir þrautina. Ég semsagt hvíldi ekkert heldur var búin að taka 2 klst æfingar alla dagana á undan. Ekki laust við að ég væri með smá harðsperru. Síðan var skítakuldi, 6°C hiti og rok. Þrátt fyrir það náði ég góðum árangri í 100m grind og líka í 400m hlaupi. Kom mér sérstaklega á óvart með 400m hlaupið því ég var svo ísköld eftir að hafa verið að reyna að stökkva hástökk sem gekk nú ekki alveg nógu vel. Það að hafa sigrað 100m grind og 400m á ágætis tímum leiddi til þess að ég keppi í þeim greinum á evrópubikar. Besta var að ég bætti minn persónulegan árangur í 400m þannig það er nokkuð ljóst að ég á mikið inni þar! Það er nokkuð víst að ég muni taka með mér kraftgalla og heitt kakó á næsta móti.

Ég fékk símtal í gær og sagt "við þurfum á þér að halda hérna heima".. Semsagt ég keppi með A-landsliðinu á Evrópubikar helgina 18. og 19. júní í Reykjavík. Það er ekki oft að það sé hægt að fylgjast með landsliðinu í frjálsum á Íslandi og því vil ég hvetja ALLA til að mæta á laugardalsvöllinn. Miðaverð er aðeins 1500kr. Mótið hefst kl 10 og er til 16.. Ég veit ekki ennþá hvenær ég keppi. En ég keppi í 400m hlaupi, 100m grind og boðhlaupum. Það er mikill heiður að vera valin þar sem það er aðeins 1 frá hverju landi í hverri grein. Ég hlakka mikið til að keppa. Það var mjög leiðinlegt að fara ekki á smáþjóðleikana, sem sem miða við úrslitin að ég hefði átt góða möguleika á 2 silfurpeningum og 1 brons, þá erum við að tala um að ég hefði þurft að vera nálægt mínu besta, ekki einu sinni á mínum besta árangri. Ég verð bara að sýna það á þessu móti hversu miklu landsliðið var að tapa á því hafa mig ekki með til Liechtenstein. Það voru líka örfáir sendir út vegna sparnaðar. 

 Jæja Kótelettan um helgina hérna á Selfossi og verð ég að vinna í kaffihúsinu sem frjálsíþróttadeildin sér um. Endilega koma og versla af okkur kakó og kleinu e-ð!

 

Jóhanna Siss tók þessa mynd þegar ég var að finna til rabarabarapöntun í vikunni..